Subtitle file ပြုလုပ်ခြင်း

Subtitle ဆိုတာကတော့ Facebook, Youtube, TED တို့လို့ Platform တွေပေါ်က Video တွေမှာ သက်ဆိုင်ရာ ဘာသာစကားအလိုက် ပြန်ဆိုချက် စာသားတွေပဲ ဖြစ်ပါတယ်။ မြန်မာယောက်အနေနဲ့ ကြည့်တဲ့အခါ မြန်မာစာသား၊ တရုတ်တယောက်အနေနဲ့ ကြည့်တဲ့အခါ တရုတ်စာသား အဖြစ်ပြောင်းလဲပြီး ကြည့်နိုင်အောင် ပံ့ပိုးပေးတာပဲ ဖြစ်ပါတယ်။ Video အတွင်းမှာ Overwrite ထည့်ရေးတဲ့စာသားနဲ့ မတူပါဘူး။ Video တွင်းမှာ ထည့်ရေးလိုက်တဲ့စာတွေက ပြင်မရ ဖျက်မရပါဘူး။ Subtitle တွေက ပြင်ဆင်တည်းဖြတ်နိုင်တယ်။ ဘာသာစကားပြောင်းလဲ သုံးစွဲလို့ရတယ်။ မကြည့်ချင်ရင် ပိတ်ထားလို့ရတယ်။ Youtube, Facebook, TED တွေမှာတင်တဲ့ Subtitle file ဘယ်လိုလုပ်မလဲဆိုတော့ 

• 1. Note pad ကို ဖွင့်ပါ
• 2. Note pad ထဲမှာ အောက်က Format အတိုင်း စာသားတွေကို တကြောင်းစီ ရိုက်ထည့်ပေးရပါတယ်။

     1

     00:00:00,000 --> 00:00:00,000

     စာသားထည့်ရန်

     2

     00:00:00,000 --> 00:00:00,000

     စာသားထည့်ရန်

     00:00:00,000 (HH:MM:SS,000) စက္ကန့်မိနစ်အလိုက် ကွာခြားမှု တန်းကို ထည့်သွင်းပေးရမှာဖြစ်ပါတယ်။

ဥပမာအားဖြင့် - စားသားတခုက ၃ စက္ကန့်မှာစပြီး ၅ စက္ကန့်မှာဆုံးတယ်ဆိုရင်-

00:00:03,000 --> 00:00:05,000

စားသားထည့်ရန် (ဒီတိုင်းရေးပေးရပါမယ်)

စာသားများကို အစဉ်အလိုက် 1, 2, 3, 4 နံပါတ်ရှိသလောက် တပ်သွားပြီး သိမ်းဆည်းတဲ့အခါမှာ SRT file အနေနဲ့ သိမ်းရပါတယ်။ နံပါတ်စဉ်တပ်ရတဲ့အကြောင်းက အကယ်၍ Subtitle ထည့်သွင်းတဲ့အခါမှာ Error ရှိတယ်ဆိုရင် ဘယ် Line မှာ Error ရှိတယ်ဆိုတာ Line number နဲ့ ပြတာဖြစ်လို့ Note Pad ထဲမှာ အလွယ်တကူ ပြန်ရှာလို့ ရအောင် ဖြစ်ပါတယ်။ 

filename.srt (Encoding-UTF-8)

 Encoding ကို UTF-8 နဲ့ သိမ်းပါတယ်။ Font အနေနဲ့ကတော့ Unicode နဲ့ရေးတာ ဖြစ်လို့ အထူးရွေးချယ်ဖို့ မလိုပါဘူး။ Arial, Time New Roman, ဘာနဲ့ပဲရိုက်ရိုက် Unicode Supported Keyboard ဆိုရင် မြန်မာလိုရိုက်လည်း  Font ရွေးစရာမလိုပဲ ရိုက်သွားရုံပါပဲ။