Unicode က ရှိပြီးသား Device တွေမှာ ပါပြီးသားဆိုရာမှာ Unicode ကြီးပါဆိုပြီး နာမည်ပေးပြီးတော့ ပါလာတာ မဟုတ်ပါဘူးဗျ။ Unicode စံကို လိုက်နာထားတဲ့ စနစ်တွေ font style တွေအနေနဲ့ ပါဝင်ပါတယ်။ ကိုယ်သုံးမယ့် ဘာသာစကားက Unicode စစ်မှန်ရင် အခြား Unicode font style တွေမှာလည်း ကိုယ့်စာကို မြင်ရတယ်။ Code တွေဘာတွေကတော့ ပညာရှင်တွေ အပိုင်းပေါ့ ကျွန်တော်တို့လည်း နားမလည်ဘူး။
ခု ကျွန်တော်တို့ Unicode ပြောင်းသုံးဖို့ ပြောကြတော့ Display ထဲကိုဝင် Font style ကို Default ထားလိုက် ဒီလိုပဲ အကြမ်းဖျဉ်းပြောကြတာပေါ့။ Default setting သည်လည်း Unicode ပဲ မှန်မှန်ကန်ကန်ထွက်ပါတယ်။ ဒီအခါမှာ ကျွန်တော်တို့က Default တခုပဲ ထားလို့ရတာလားဆိုတော့မဟုတ်ပါဘူး/ အခြား Unicode ဖြစ်တဲ့ ဘယ် font style မှာဆို ကျွန်တော်တို့ ထားလို့ရတယ်။ ခုကျွန်တော်တို့ သုံးစွဲနေပြီဖြစ်တဲ့ မြန်မစာ ယူနီကုဒ်စနစ်ကို အခြားယူနီကုဒ်စံတွေအတိုင်းထုတ်ထားတဲ့ font style တွေမှာ ကျွန်တော်တို့ သုံးနိုင်ပါတယ်။
- တချို့ Unicode ပြောင်းဖို့ font style ထဲဝင်ရှာတာ Unicode မတွေ့ဘူး မရှိဘူးလို့ ထင်နေကြတာဟာ Unicode ဆိုတဲ့ name ကြီးနဲ့ လာမယ်လို့ ထင်နေလို့ပါ။ အဲလို မဟုတ်ပါဘူး။ သူ့ကိုယ်စားပြုနာမည်နဲ့ သူလာတာပါ။ အဓိက က အဲဒီ font style က Unicode ဖြစ်ဖိုပါပဲ။ ဒါဆို ကိုယ့်ဘာသာစကားကလည်း Unicode ဆို ဝင်သုံးလို့ရပါတယ်။
ဥပမာအားဖြင့် Mi တွေမှာဆိုရင် Mi Lanting, Samsung မှာဆိုရင် Samsung sans, Apple Mint, Chooco chooky, Tinker bell စတဲ့ style တွေဟာ Unicode စနစ်တွေပါ။ အဲဒါတွေမှာ ကျွန်တော်တို့ ခု မြန်မာစာကို ဝင်သုံးလို့ရပါတယ်။ ဖတ်လို့ရ၊ ရေးလို့ရ သုံးလို့ရပါတယ်။ Window အနေနဲ့ဆိုရင်လည်း Ariel, Time New Roman စတာတွေမှာလည်း ခုကျွန်တော်တို့ Unicode အနေအထားနဲ့ သုံးလို့ရပါတယ်။ Font style အနေအထား စာလုံးထူတာ ပါးတာပဲကွာမယ်။ Unicode စံနှုန်းအတိုင်းသွားတာချင်းအတူတူမို့ သုံးလို့ရပါတယ်။
ကျွန်တော်တို့ မြန်မာရဲ့ အနေအထားရကြောင့် စျေးကွက်အခြေအနေကြောင့်သာ ကွဲပြားမှုရှိအောင်လို့ ဗမာ(unicode), ဗမာဘာသာ၊ မြန်မာဘာသာ, Unicode (Myanmar) စသဖြင့် Device တွေမှာ အသုံးပြုသူ ခွဲခြားလို့လွယ်အောင် ထည့်သွင်းခဲ့ကြပေမယ့် ပုံမှန်အားဖြင့် Unicode ပါဆိုပြီး Name ရေးထားတာမျိုး မဟုတ်ပဲ သူ့နာမည်နဲ့သူ Defined name နဲ့ ရှိကြတာပါ။ ကိုယ်သုံးမှာက Unicode ဆိုရင် Unicode စနစ် ဘယ်အပေါ်မှာမဆို သုံးလို့ရပါတယ်။
