လဲ (ဝါစင်္ဂ)
အမေးသဘောသက်ရောက်သော ဝါကျအဆုံးသတ် စကားလုံး
- ဘယ်အရပ်သို့ သွားမည်လဲ။
- ဘယ်သူပြုမည်လဲ။
လဲမျှင်ကဲ့သို့သော အမျှင်ထွေး
လက်ပံအသီးမှရသော မှို့ကို လဲ ဟုခေါ်သည်။
လဲ (ကြိယာ)
တိမ်းစောင်းကျသည်။
- သစ်ပင်တပင်သည် လမ်းပေါ်သို့ လဲကျနေသည်။
တခုနှင့်တခု ဖလှယ်သည်။
- ပစ္စည်းအဟောင်းနှင့်အသစ် လဲသည်။
လည်း (သမ္ဗန္န)
......ရုံတင်မက..... လည်းပဲ
လည်း (ဝါစင်္ဂ)
တပြိုင်နက်အမူအရာဖြစ်ကြောင်း ဖော်ပြရာ၌ ကြိယာနှစ်ကြားထားသုံးသော စကားလုံး
- ညောင်သီးလည်းစား၊ လေးသံလည်း နားထောင်။
အတူတကွ ဖြစ်ကြောင်း ပါဝင်ကြောင်းပြသော စကားလုံး
- မလောက်မလား၊ ထိပ်ဖျားလည်းထိုး
- သူလည်း ငါလည်း
- လူငယ်များလည်း တကြွစွာ ပါဝင်ကြသည်။
ဘယ်သို့သွားမည်လည်း (မှား)
ဘယ်သို့ သွားမည်လဲ (မှန်)
သူလဲ လာလိမ့်မယ် (မှား)
သူလည်း လာလိမ့်မယ် (မှန်)
အကျွေးအမွေးလဲ ပါဝင်သည်။ (မှား)
အကျွေးအမွေးလည်း ပါဝင်သည်။ (မှန်)
