Monday, February 4, 2013

အမှားပြင်ဆင်ချက်

     ကျွန်တော်က ခပ်ဆိုးဆိုး ကျောင်းသားတစ်ယောက်ပါ။
ကျောင်းမှာ ကျွန်တော့်ရဲ့ ထူးချွန်မှတ်တမ်းမရှိပါဘူး။
ယဉ်ကျေးလိမ္မာ အရိပ်အယောင်တွေ ကျန်မနေခဲ့ဘူး။
ကျွန်တော် တစ်သက်မေ့နိုင်မယ် မထင်တဲ့ အဖြစ်အပျက်တစ်ခုတော့ ဖြစ်ပွားခဲ့တယ်။
ရိုးသားစွာပြောရရင် ကျွန်တော်အပြစ်တစ်ခုလုပ်ခဲ့တယ်။
တစ်နေ့ ကျွန်တော်တို့ကျောင်းကို မြို့ကဆရာမတစ်ဦး ပြောင်းလာတယ်။
ကျွန်တော်တို့နေတာက မြို့အဆင့်လို့ ဆိုပေမယ့် တကယ့် တောရွာသာသာပါပဲ။
မြို့ပေါ်ကားလမ်းမကြီးကိုရောက်ဖို့ လမ်းကြမ်းကြမ်းကို ကားစီးပြီးသွားးရတယ်။ ပြီးရင် မြစ်ကို ဖြတ်ရတယ်။ နောက်ထပ်ကားတစ်ခါ ထပ်စီးရပြန်တယ်။
မြို့ပေါ်ရောက်တော့ ညနေစောင်းနေပါပြီ။
ကျွန်တော်တို့ နေတဲ့ ဒီတောမြို့လေးကို ဆရာမက တာဝန်ကျပြီးပြောင်းလာခဲ့တာပါ။
ဆရာမက အသက်မကြီးသေးပါဘူး ကျွန်တော့်အစ်မအရွယ်သာ ရှိသေးတာပါ။
စာအသင်အပြကောင်းပါတယ်။ စိတ်သဘောထားလည်းနူးညံ့တယ်။ တစ်ခါတစ်ခါ သူ့ရဲ့ ရိုးသာမှုက ကလေးလိုပဲ ဟန်ဆောင်မှုကင်းတဲ့သူပါ။
ကျွန်တော်တို့ ကျောင်းသူကျောင်းသားတွေကလည်း သူ့ကိုပိုခင်ကြတယ်။ ပိုချစ်ကြတယ်။ ဆရာမ အိမ်ပြန်တဲ့ ကျွန်တော်တို့က ကားဂိတ်ကိုလိုက်ပို့တယ်။
ဒီလိုနဲ့ စာမေးပွဲကြီးနီးလာခဲ့တယ်။ အချိန်က တကယ့်ကို အရေကြီးလာတယ်။ အရေးကြီးတာတွေလေ့လာလိုက်၊ မေ့နေတာတွေ ပြန်နွေးလိုက်နဲ့
ပျာယာခတ်နေတဲ့ အချိန်ပေါ့။ တစ်နေ့တော့ ဆရာမက ကျွန်တော်တို့ကို ကဗျာတစ်ပုဒ် ကျက်ခိုင်းပါတယ်။ ကဗျာက အရှည်ကြီးမဟုတ်ဘူး။
ဒါပေမယ့် ဘာကြောင့်မှန်းမသိ ကျွန်တော်မကျက်ချင်ခဲ့ဘူ။ ဆရာမစကားကို ကျွန်တော် နားမထောင်ချင်ခဲ့ဘူ။ ကျွန်တော်မကျက်ဘူးလို့ ဆုံးဖြတ်လိုက်တယ်။
ဆရာမက ဒီကဗျာကို အလွတ်ပြန်ရွတ်ပြပြီးမှာ ထမင်းစားပြန်ရမယ်လို့ ပြောပါတယ်။ ဒါပေမယ့် ကျွန်တော်နားမထောင်ခဲ့ဘူး။ ကျွန်တော်နဲ့အတူ
သူငယ်ချင်း သုံးယောက်ကလည်း ကဗျာကို မကျက်ဘူး။ ဆရာမက ကျွန်တော်တို့ ကဗျာမပြန်မချင်းစောင့်နေခဲ့တယ်။ နောက်ဆုံး ဆရာမလက်လျှော့သွား
တယ်။ ဆရာမအခန်းထဲက ထွက်သွားတယ်။ ကျွန်တော်တို့လည်း ကျောင်းကပြန်ခဲ့ကြတယ်။ အဲဒီညမှာတော့ ထိုကဗျာကို ကျွန်တော်ကျက်ခဲ့ပါတယ်။
ဒါပေမယ့် ဆရာမကို နောက်ထပ်မတွေ့ဖြစ်ခဲ့ဘူး။ စာမေးပွဲဖြေချိန်ရောက်တော့လည်း ဆရာမက အခြားကျောင်းမှာ တာဝန်ကျတဲ့အထွက် မတွေ့ရပါဘူး။
စာမေးပွဲပြီးတော့ ကျွန်တော် အဲဒီမြို့လေးမှ ပြောင်းခဲ့ရတယ်။ အဲဒီအချိန်မှာ ဘာရယ်လို့မှန်းမသိပေမယ့် ကျွန်တော်ကိုယ့်ကိုယ်ကို ဒေါသတွေထွက်နေမိတယ်။
နောင်တတွေရနေတယ်။ ဆရာမစိတ်မကောင်းအောင်လုပ်ခဲ့မိတယ်၊ အပြစ်ကျူးလွန်မိတယ်လို့ ကျွန်တော်မြင်တယ်။ နောက်ဆုံး ကျွန်တော် သည်းမခံနိုင်တော့
ပါဘူး။ စာတစ်စောင်ရေးပြီး ဆရာမဆီကို လူကြုံမှတဆင့် ပို့ခဲ့တယ်။ ကျွန်တော်တို့ကျောင်းလေးမှာ ဆရာမ ရှိနေပါစေ၊ ကျွန်တော့်စာကို လက်ခံရရှိပါစေလို့
ကျွန်တော် ဆုတောင်းနေခဲ့ပါတယ်။ တကယ့်ကို အံ့သြစရာကောင်းလွန်းပါတယ်။ ဆရာမဆီက စာတစ်စောင်တင်မဟုတ်ပါဘူး နှစ်စောင်ပြန်ရောက်လာတယ်။
သူရေးလိုက်တဲ့ ပထမစာက လိပ်စာမှားယွင်းမှုကြောင့် ကျွန်တော့်ဆီမရောက်ခဲ့ဘူ။ အဲဒီစာ ဆရာမဆီကို ပြန်ရောက်သွားချိန်ဆရာမက နောက်ထပ်တစ်စောင်
ထပ်ရေးခဲ့ပြီး စာနှစ်စောင်လုံးကို လူကြုံနဲ့ ချက်ချင်းထည့်ပေးခဲ့တယ်။ စာထဲမှာတော့ ကျွန်တော့်ကို အစကတည်းက ခွင့်လွှတ်ပြီးသာဆိုတဲ့ကြောင်းပြောပြထားတယ်။
ဆရာမရဲ့ ၀မ်းသာမှုကိုလည်း စာထဲမှာ ကျွန်တော်ခံစားမိခဲ့တယ်။ အဲဒီအချိန်မှာတော့ ကျွန်တော် တကယ်ကိုပျော်ခဲ့ပါတယ်။ ကျွန်တော့်ရဲ့အလိုမကျမှုတွေ
လည်း ပျောက်ကွယ်ခဲ့တယ်လေ။ ပြောရရင်တော့ ကျွန်တော့်ဘ၀ရဲ့ အရေးပါတဲ့ ပုဂ္ဂိုလ်စားရင်းထဲမှာ ဆရာမလည်း အပါအ၀င်ဖြစ်ခဲ့ပါပြီ။ ကျွန်တော့်လိုတော့
လိုက်မလုပ်ဖို့ အကြံပြုပါရစေ။ ဒါဟာ အန္တရာယ်များလွန်းပါတယ်။ ဒါပေမယ့် သင့်ဘ၀မှာ ဘယ်လိုပုဂ္ဂိုလ်မျိုးကို တောင်းပန်ဖို့လိုနေပါသလဲ။ ဒါမှမဟုတ်
သူနဲ့ ဆက်သွယ်ဖို့လိုနေပါသလား။ ဆက်သွယ်လိုက်ပါ။ သူရဲ့ ၀မ်းသာပျော်ရွှင်မှုတွေကို တွေ့ရမှာပါ။

No comments:

Post a Comment