Tuesday, February 5, 2013

အော်..ရန်ကုန်ရယ်


 


မနေ့က မင်္ဂလာဒုံဈေးထဲရောက်မှ လွန်ခဲ့တဲ့ နှစ်လလောက်က ရန်ကုန်ကို ရောက်ခဲ့တာကို ပြန်သတိရမိတယ်။ အဲဒီတုန်းက ကိုယ့်ကိုယ့်ကိုယ် ဟုတ်လှပြီထင်ခဲ့တာ
မင်္ဂလာဒုံဈေးထဲရောက်မှပဲ အဖြစ်မှန်ကိုသိရတော့တယ်။

လွန်ခဲ့တဲ့နှစ်လလောက်တုန်းက ကျွန်တော် ရန်ကုန်ကိုတစ်ခေါက်ရောက်တယ်။ အဲဒီအဖြစ်အပျက်လေးကို အပြောမီ ရန်ကုန်ရောက်ပြီဆိုရင် ကျွန်တော် ကြုံနေ
ဖြစ်နေလေ့ရှိတာလေးတွေကို ပြောပြချင်သေးတယ်။ ကျွန်တော် ရန်ကုန်ကိုသွားရပြီဆိုရင် မနက်အစောကြီး ဒါမှမဟုတ် ညဘက်ကားကို စီးသွားရတာပါ။
ကားပေါ်မှာလည်း အိပ်ပြီးတော့လည်း မစီးတတ်၊ အိပ်ပျော်လည်း ခဏပဲဆိုတော့ လမ်းတစ်လျှောက်က ဟိုကြည့်ဒီကြည့်နဲ့ပေါ့။ အဲဒီလို တစ်လမ်းလုံး အိပ်မပျော်
တော့ ရန်ကုန်ရောက်တော့ ပြဿနာက စတာပါပဲ။ ရန်ကုန်ရောက်လို့ လိုင်းကားစီးပြီဆိုရင် ကျွန်တော်အိပ်ငိုက်နေပြီ တစ်ခါတစ်လေ လိုင်းကားပေါ်မှာ အိပ်ပျော်သွားတတ်တယ်။
ငြိမ့်ငြိမ့်ညောင်းညောင်း အဝေးပြေကားပေါ်မှာ မအိပ်ရတော့ ၀ုန်းဝုန်းဒိုင်းဒိုင်း လိုင်းကားပေါ်မှာ အိပ်ပျော်သွားတတ်တယ်။ လိုင်းကားပေါ်မှာ အိပ်ပျော်နေတော့
မှတ်တိုင်ရောက်လည်း မသိဘူး။ မှတ်တိုင်ကျော်ပါသွားတော့မှ ပြန်ဆင်းရတာပဲ။ ဆင်းရမယ့် မှတ်တိုင်က နောက်မှာ ငါးမှတ်တိုင်လောက် ကျော်ခဲ့ပြီ။ နောက်ထပ်ကားပြန်စီးတယ်။
အိပ်ချင်စိတ်က မပြေသေးတော့ မှတ်တိုင်ရောက်ပြီအထင်နဲ့ မှားဆင်းမိပြန်တယ်။ ဆင်းရမယ့် မှတ်တိုင်က တစ်မှတ်တိုင်လိုနေပြန်တယ်။ လိုနေတဲ့ တစ်မှတ်တိုင်ကို အိပ်ချင်စိတ်ပြေ
သွားအောင် လမ်းပဲလျှောက်လိုက်တယ်။ အဲဒါတွေက ကျွန်တော် ရန်ကုန်မှာ ဖြစ်လေ့ရှိတာတွေပေါ့ဗျာ။
အဲဒီတစ်ခေါက်တုန်းက ကိစ္စတွေကလည်း ဟိုပြေးဒီလွှားနဲ့ အဆင်မပြေတစ်ဝက် ပြေတစ်ဝက်ပါဘဲ။ အဲဒီတုန်းက အမျိုးသမီး သီးသန့်ဆိုတာနဲ့ပတ်သက်ပြီး
ကြုံခဲ့ရတာလေးကို ရင်ဖွင့်ချင်ပါသေးတယ်။ တစ်နေ့ ကျွန်တော် မြို့ထဲကို အရေးတကြီးသွားစရာရှိလို့ ကားဂိတ်ရောက်ပြီးမှာ အချိန်က အများကြီးလိုသေးတယ်။
ဒါနဲ့ အင်တာနက်ဆိုင် တစ်ဆိုင်ကိုဝင်ပြီး ထိုင်နေလိုက်တယ်။ ဆိုင်ထဲမှာ ထိုင်နေရင်း ကျွန်တော် မြို့ထဲသွားရမယ့် အကြောင်းကို မေ့သွားတယ်။ သတိရလို့ကြည့်လိုက်တော့
အချိန်က အရမ်းနီးကပ်နေပြီ။ ကျွန်တော်လည်း ကပျာကယာ ကားဂိတ်ပြေးတာပေါ့။ အဓိပတိ ကားတစ်စီးလာဆိုက်တော့ ကွက်တိပဲဆိုပြီး ၀မ်းသာအားရတက်လိုက်တယ်။
ကားကလည်း လူတော်တောရှင်းနေတယ်။ ခုံလွတ်တွေလည်း အများကြီးပဲဗျ။ ကျွန်တော် တက်ထိုင်ပြီချိန် ကားကမထွက်ဘူး။ ကျွန်တော်လှမ်းကြည့်တော့လည်း ဘယ်သူမှ
နောက်ထပ်တက်လာတာမရှိဘူ။ အဲဒီချိန်မှာ ကားမောင်းသူက ယာဉ်အကူကို လှမ်းပြောပါတယ်။ " ယောက်ျားလေးတစ်ယောက်တက်ပြီ "လို့ပြောတာကို ကျွန်တော်ကြားတယ်။
ဘာကိုပြောတာလဲတော့ ကျွန်တော်လည်း မသိပါဘူး။ သူကနောက်ထပ်ပြောတယ်။ အဲဒီတော့မှ ယာဉ်အကူက ကျွန်တော့်ကို လှမ်းခေါ်ပြီး "ဟာ ဟုတ်တယ်အစ်ကို ဒီကားက
အမျိုးသမီးသီးသန့်ကားပါ" ကျွန်တော်လည်း ခရီးသည်တွေကို ကြည့်လိုက်တော့ အကုန်လုံးက အမျိုးသမီးတွေချည်းဖြစ်နေတာကို တွေ့တယ်။ ဒါနဲ့ ကျွန်တော်လည်း ရှက်ရှက်နဲ့
" ခင်ဗျားကလည်း အစကတည်းကပြောပါလားဗျ ကားမှ စာတန်းလည်း မကပ်ထားဘူး "လို့ပြန်ပြောပြီးဆင်းပြေခဲ့တာပဲ။ ရှက်ရမ်းရမ်းပြီးပြောခဲ့ အဲဒီကားက စာကပ်ထားလား
မကပ်ဘူးလားတော့ ကျွန်တော်လည်း မသိဘူး။
ရန်ုကုန်က အပြန်ဟုတ်လှပြီ အထင်နဲ့ တောသားမြို့တက်ဖြစ်ခဲ့ရပုံလေးက ဒီလိုပါ။ ကိစ္စတွေပြီးပြတ်ပြီဆိုတော့ ပြန်တော့မယ်ဆိုပြီး ကားဂိတ်ကိုသွားတာပေါ့။ ကားဂိတ်မှာ
ကားထွက်ဖို့ အချိန်ကလိုနေသေးတော့ ထိုင်စောင့်ရင်း ကားပေါ်မှာ ဖတ်ဖို့စာအုပ်ဝယ်ချင်လာတယ်။ ကျွန်တော်ဖတ်ဖူးတဲ့ စာရေးဆရာရဲ့အတွေးအခေါ်ပညာပေး
စာအုပ်ကိုတွေ့တော့ တစ်အုပ်ဘယ်လောက်လဲလို့ကျွန်တော်မေးကြည့်ပါတယ်။ ဈေးသည်က တစ်အုပ်ကို ၁၈၀၀ လို့ပြောတော့ နည်းနည်းလက်တွန့်သွားတယ်။ ဒါပေမယ့်
စာအုပ်မာတိကာကို ကြည့်လိုက်တော့ စိတ်ဝင်စားသွားတယ်။ဝယ်ချင်ပေမယ့် ဈေးများလို့ ကျွန်တော် ချီတုံချတုံဖြစ်နေတုန်း ဈေးသည်က နှစ်အုပ်ယူပါလား နှစ်အုပ်ဆိုရင်
၃၀၀၀ ပဲပေး၊ တစ်အုပ် ၁၅၀၀ နှုန်းနဲ့ ယူသွားလေ" လို့ပြောလာတယ်။ကျွန်တော်လည်း ၀မ်းသာပြီး ကြိုက်တဲ့ နောက်တစ်အုပ်ကို ရွေးပြီးယူလိုက်တယ်။ စာအုပ်တွေကလည်း
တကယ်ကောင်းပါတယ်။ ဈေးနှုန်းကသက်သက်ပေါ့ဗျာ။ ၁၈၀၀ တန်စာအုပ်ကို ၁၅၀၀ နဲ့ဝယ်လာပြီးကားပေါ်မှာ ထုတ်ဖတ်လိုက် ပြန်သိမ်းလိုက်နဲ့ ကျွန်တော်တစ်ယောက်
အလုပ်ရှုပ်လို့ပါဘဲ။ အိမ်မှာလည်း အခေါက်ခေါက်ဖတ်ဖြစ်တယ်။ မနေ့က မင်္ဂလာဒုံဈေးထဲရောက်တော့ စာအုပ်တွေတွေ့တော့ ကျွန်တော်ဝယ်ချင်လာတယ်။ အရင်ဈေးအတိုင်းဆိုရင်
လက်ထဲမှာ ပိုက်ဆံက သိပ်မပါဘူး။ စပ်စုကြည့်မယ်ဆိုပြီး ဟိုကြည့်ဒီကြည့်လုပ်ပြီး အဲဒီလိုစာအုပ်တွေ့တာနဲ့မ၀ယ်လည်း မေးကြည့်မယ်ဆိုပြီး မေးလိုက်တော့ ဈေးက "၅၀၀"တဲ့ဗျာ။
ကျွန်တော်ဖြင့် အံ့သြလွန်းလို့ ဟုတ်မှဟုတ်ရဲ့လားနားကြားများလွဲသလားပေါ့။ နောက်တစ်အုပ်ကောက်ကိုင်ပြီးထပ်မေးလိုက်တယ် "အတူတူပဲ ၅၀၀ ပဲ"တဲ့။ ဒီတစ်ခါပိုပြီး ၀မ်းသာသွားသလို
အရင်တစ်ခေါက် တောသားမြို့တက်ဖြစ်ပြီဆိုတာ သိလိုက်ရတယ်။ အော် ထူးခြားဆန်းပြားတဲ့ရန်ကုန်ပါလား။ ကျွန်တော်ကပဲ ညံ့သလားတော့ မသိပါဘူး။ တန်ဖိုးထက် သုံးဆပိုပြီး
ဝယ်ခဲ့ရတာတော့ အမှန်ပါဗျာ။

No comments:

Post a Comment