Friday, December 14, 2012

သင့်ကိုယ်သင် မမေ့နဲ့

သင့်ကိုယ်သင် မမေ့နဲ့
------------------------
တစ်ခါက လူငယ်လေးတစ်ယောက်ဟာ ဘ၀မှာ ရေရေရာရာ မရှိဘူး။ လစ်ဟာနေသလို ခံစားနေရတယ်။ ယုံကြည်တဲ့လမ်းကို လျှောက်ခဲ့ပေမယ့် လမ်း
ပျောက်နေသလိုဖြစ်နေတယ်။ ဒီတော့ သူဟာ ပညာရှိတစ်ယောက်ဆီကို သွားခဲ့တယ်။
လူငယ်-ပညာရှိကြီးခင်ဗျာ၊ ကျွန်တော့်ဘ၀မှာ ရည်မှန်းတွေထားခဲ့တယ်။ ဒါပေမယ့်  

          မဖြစ်မြောက်ခဲ့ဘူး။ ယုံကြည်တဲ့လမ်းကိုလျှောက်ခဲ့တယ်။ ဒါပေမယ့်
          တစ်ခါတရံမှာ လမ်းပျောက်နေတယ်။

           တစ်ခါတစ်လေမှာတော့ တစ်နေရာမှာပဲ ခြေစုံရပ်နေမိတယ်။ ကျွန်တော် ဘာလုပ်သင့်လဲ။
ပညာရှိ- သင့်ကိုယ်သင် မမေ့ပါနဲ့။
လူငယ်- ဗျာ သင့်ကိုယ်သင် မမေ့နဲ့ဟုတ်လား။ ကျွန်တော်က ကိုယ့်အတွက်ပဲ   
           ကြည့်ရမယ်လို့ဆိုလာတာလား။
ပညာရှိ- မဟုတ်ပါဘူး။ သင့်ကိုယ်သင် မမေ့နဲ့ ဆိုတာ -သင့်ကိုယ်သင် ဘယ်လို သတ်မှတ်ထားသလဲ  
           ခံယူထားသလဲဆိုတာကို မမေ့နဲ့။
           သင်ဘယ်လိုရည်မှန်းချက်တွေကို ရည်မှန်းထားတယ်ဆိုတာကို မမေ့နဲ့။ သင်      
           ဘယ်လမ်းကို လျှောက်လှမ်းးနေသလဲဆိုတာကို မမေ့နဲ့။
           သင့်ကိုယ်သင် သတ်မှတ်ထားတဲ့ ခံယူချက်တွေကိုမေ့နေရင် သင်ဟာ   
           စိတ်ထင်တိုင်းလျှောက်လုပ်နေမိလိမ့်မယ်။ သင့်ရဲ့ရည်မှန်းချက်တွေကို
           မေ့နေရင် သင့်ရဲ့ ရည်မှန်းချက်တွေဟာ အထမြောက်လာမှာ မဟုတ်ဘူး။    
           သင်လျှောက်နေတဲ့လမ်းကိုမေ့နေရင် သင်ဟာ လမ်းပျောက်နေလိမ့်မယ်။
           ဒီတော့ သင်ကိုသင် မမေ့ပါနဲ့။

No comments:

Post a Comment